азаматтық газтұмылдырық

(Гражданский противогаз)

адамның тыныс мүшелерін, терісін, беті мен көзін ауада бу, тұман, тозаң түрінде кездесетін улы және радиоактивті заттардан, ауру туғызатын микробтар мен улы заттардан қорғауға арналған құрал. А.г. газтұмылдырық қорабынан, бет бөлігінен (шлем маска) және сумкадан тұрады. Сондай-ақ противогаз кешеніне дымқылданбайтын үлбірлі қорапша кіреді. Қорап сыртқы зақымданған ауаны сүзуге арналған. Зақымданған ауа ең алдымен дымқылдандырмайтын сүзгі арқылы өтеді, мұнда тозаң мен түтін бөлшектері сүзіліп қалады, сонан соң улы заттарды ұстап қалатын арнаулы сорғыш (арнаулы химиялық реагентті активтелген көмір) арқылы өтеді. Газтұмылдырықтың бет бөлігі бетті қорғауға және газтұмылдырық қорабында тазарған ауаны тыныс мүшелеріне жіберуге арналған. Ол көз әйнегі, клапанды қорабы бар резиналы-шлем маскадан тұрады. Бет бөлігінің клапанды қорабы дем алу және дем шығару кезіндегі ауа ағынын бөліп тұруға арналған.